Kêng măng 11/7, Kruanh dak Võ Văn Thưởng lĕ tât khâl, mbah rhơn Cục An ninh chính trị nội bộ, N’gâng kan Công an. Ntoh ngơi ta aơ, Kruanh dak uănh lah prêh, ăp năm bah năp, rmôt Công an nhân dân lah nsum, rmôt rnă njrăng chính trị nội bộ lah êng lĕ mât uănh, mbơh ƀư rjăp ntĭm rđău, nchrŏng trong bah kruanh Đảng, Ngih dak đah trong kan đăp mpăn rnă njrăng chính trị tâm dak.

Lam rmôt lĕ rdâk nkra ăp jêr jŏt, tâm rnglăp, tâm ban ŭch, ngăch nău, ƀư mhe, lôch jêh uĕh nău kan chính trị dơi jao; rgop mât nâp ntŭk ntô rnă njrăng, đăp mpăn, tâm rnglăp, nta nơih an hun hao wăng sa-rêh jêng bah neh dak, n’hao jâng nsan, rup ndah bah Việt Nam ta lam ntŭr neh. Nchrŏng trong du đêt nău kan khlay bah rmôt rnă njrăng chính trị tâm dak ta năm tât, Kruanh dak đă Đảng ủy Công an Trung ương, Đảng ủy Cục An ninh chính trị nội bộ ƀư uĕh trong kan tâm ôp tâm nchră trong kan mât njrăng n’gâng tơm nău mĭn bah Đảng, mât njrăng nău rđău, djôt bôk bah Đảng, mât njrăng nău kơl, mât njrăng ƀon lan; rgum gĭt nâp, uănh lah, nchroh mbơh di, nu nău bah ơm, bah ngai ăp nău geh ƀư rlăng, nău rdôl lơh tâm dak gay ngăch tâm ôp tâm nchrăp ăp gưl geh nău ntrŭnh, trong mkra tam.