VOV4.M'nông: Tâm rnôk râng tâm nchră ntrŭt ntrôl ntuh kơl ngăch tâm ăp nkuâl Củ Chi n'hanh Hóc Môn, nkual ƀon têh Hồ Chí Minh, ôi 12/4, Kruanh dak Nguyễn Xuân Phúc hŏ tât khâl Nkual tuch tăm công nghệ cao nkual ƀon têh Hồ Chí Minh.

Lôch hăn uănh ăp ntŭk tuch tăm, Kruanh dak Nguyễn Xuân Phúc rnê âk Nkual hŏ nsrôih geh âk nău dơi tâm nău kan, tĭng ƀư nău kan mô dơn hun hao nkual tăm công nghệ cao bah nkual ƀon têh Hồ Chí Minh ma hôm geh nău khlay ntrŭt ntrôl  hun hao tuch tăm miền Đông Nam bộ n'hanh miền Tây Nam bộ. Kruanh dak an gĭt, Nkual tuch tăm công nghệ cao nkual ƀon têh Hồ Chí Minh lah 1 tâm 10 nkual công nghệ cao lam dak jêng geh trong uănh jong lơn, hăn leo lor tâm tuch tăm, tui ka, bên di đah rgâl duh nđik trôk nar, tuch tăm ta nkual ƀon têh. Nkual dŏng ndơ ntrŭp rvah êng tâm nău mât tui n'hanh âk nău kan tuch tăm; ntop kơl uĕh an pah kan yơng njêng doanh nghiệp mhe, ndơ̆ rgâl công nghệ.

Nuĭh rblang: Điểu Thân