VOV4.M’nông – Ôi 6/4, ta Tiền Giang, Kruanh dak Nguyễn Xuân Phúc khâl ntrong kan nkra njêng tăch rgâl bah HTX thanh long Mỹ Tịnh An, nkuăl Chợ Gạo, du ntrong kan pah kan săk rnglăy knơm tâm rgop đah nuĭh ƀon lan rjăp, lơn lah rwăt rgum play gu ga an nuĭh ƀon lan râng đah rnoh khlay lơn ntŭk tăch, đăp mpăn nsĭt geh đêt ngăn 3.000 prăk/kg n’ăp rnôk ntŭk rwăt jŭr thuk. Kruanh dak uănh lah prêh HTX Mỹ Tịnh An geh ntrong kan nkra njêng tăch rgâl săk rnglăy, ƀư tâm rgop nkra njêng uĕh, hun hao nkual tăm ndơ khlay bah ntŭk kơt gu ga, play đung. Ndơ nkra njêng đah công nghệ mhe, đăp mpăn tâm di âk, rƀŏng tât tăch n’gluh an âk ntŭk tăch jêr tĭng trong tăch khlay. Kruanh dak đă HTX Mỹ Tịnh An ntrôl dăng tâm rgop, pơk hvi ntrong kan tăm an âk ndơ khlay êng bah ƀon lan, rlău ma gu ga; geh ntrong mkra tăch ndơ n’ăp tăch n’gluh n’hanh tâm dak.

Nŭih blang: Y Sưng Phê Ja