Tâm nar nđaơ đŏng (18/2) Kruanh dak Võ Văn Thưởng tât khâl, ntrŭt nsôr n’hanh an ndơ an phung pah kan dôl rdâk ƀư trong Vành đai 4-Thủ đô Hà Nội nkhêp di năm mhe Giáp Thìn 2024. Jêh rnôk djăt nău mbơh mpeh nu nău mbơh ƀư nău nchrăp kan, Kruanh dak Võ Văn Thưởng djôt dơn uănh lah prêh săk rnglăy n’hanh nuih n’hâm lăp, lĕ nău kan têh bah gưl ủy, n’gâng kan ƀon lan Nkual ƀon têh Hà Nội n’hanh ăp n’gor Hưng Yên, Bắc Ninh, ndrel ăp n’gâng kan, nău kan, ntŭk kan, ƀon lan râng nău nchrăp ƀư.

Kruanh dak đă Thành ủy, HĐND, UBND, Ủy ban MTTQ Việt Nam Nkual ƀon têh Hà Nội n’hao tay lĕ nuih n’hâm pah kan, tĭng nău ntĭm rđău bah Trung ương, ăp Nghị quyết bah Quốc hội, Chính phủ ƀư tĭng tŏng ngăch, uĕh nâp ndơ ƀư, mô an geh nău wĭ tih.