VOV4.Mnông-Nar 6/2, ta ntŭk pâl nđaih di tích văn hóa ngih dak dŭt khlăy Đền Hùng, nkuăl ƀon têh Việt Trì- n’gor Phú Thọ, kruanh dak Nguyễn Xuân Phúc rgŏ jă tết tăm tơm si lĕ nău rêh kahgĭt wa Hồ. bôk nău kan yor n’gâng kan tuch tăm n’hanh hun hao ƀon lan n’hanh UBND n’gor Phú Thọ tâm rgop leo ƀư. Ntoh ngơi ta rơh lễ, kruanh dak Nguyễn Xuân Phúc kuăl đă ăp nuĭh, ăp rnăk, ăp jay, ăp ntŭk kan an geh tâm rgop na nê̆, ngăn ngên, ƀư tĭng bôk nău kan tăm 1 rmen tơm si nđir tâm lvang năm 2021-2025- yor du Việt Nam ueh nđir, ntop kơl an rdâk njêng ngih dak he ueh nđir n’hanh nâp nâl. Kruanh dak lĕ dăn đă n’gor Phú Thọ tăm dŭt đê̆ lah 2 rkeh tơm si nđir tâm năm aơ kơt nău lĕ nchrăp. Tâm nĕ năm 2020, Thủ tướng Chính phủ lĕ geh nău ntĭm đă 45 đă leo ƀư nău kan tết tăm tơm si n’hanh n’hao nău mât hun hao ueh bri gay ma ƀư tĭng bôk nău kan tăm 1 rmen tơm si “Yor du Việt Nam ueh nđir”. Năm 2021 Thủ tướng chính phủ an dŏng nău kan mbrô 524 đah nkô̆ ŭch tât lĕ năm 2025, lam dak geh tăm 1 rmen tơm si nđir.

Nuĭh rblang: Thị Đoắt