Kruanh dak Võ Văn Thưởng lĕ geh âk nău kan khlăy, râng rơh dơn nău kan kđăch, tâm mâp n’hanh rhơn ngih kađăch Cherles III, tâm mâp đah thủ tướng Rishi Sunak, vơt kruanh Hạ viện Anh Lindsay, kruanh n’gâng kan mât rnă njrăng ngih dak Ben Wallace n’hanh âk nuĭh kan ndrel bâh chính phủ Anh.

Ta ăp rơh tâm mâp, kruanh dak Võ Văn Thưởng n’hanh kađăch Cherles III, nuĭh leo kan chính phủ, Quốc hội dak Anh an lah nău dơi tâm kơl đah 2 dak Anh-Việt lah dŭt têh. Bar ding lĕ mpơl nău nsrôih lơn tâm nău n’hao tâm boh kan hao du njoat mhe, ngăn lah n’hao tâm kơl tâm mbơh kan ăp gâl, ngăn lah gâl têh ta ăp ntŭk kan Đảng, ngih dak, chính phủ, nghị viện n’hanh tâm nđur ƀon lan. Bar ding lĕ tâm ban ŭch tâm rop na nê̆ lơn n'hanh tâm kơl ndrel ta ăp nău kan âk ding kơt Anh- ASEAN, LHQ, Hội đồng nhân quyền năm kan 2023-2025 n’hanh Hiệp định tâm kơl kan ndrel lĕ rngôch n’hanh ueh mhe rgŏ Thái Bình Dương.

Ảnh: Chủ tịch nước Võ Văn Thưởng chúc mừng Nhà vua, Hoàng hậu cùng Hoàng gia và nhân dân Anh quốc.