VOV4.M’nông: Lơ 12/10, ta nkuăl ƀon têh Hồ Chí Minh, Kruanh dak Nguyễn Xuân Phúc ndrel rmôt kan ntoh măt bah Quốc hội nkuăl ƀon têh Hồ Chí Minh rmôt kan mrô 10 mâp cử tri bah ăp nkuăl Củ Chi ndrel Hóc Môn. Ndrel rmôt kan ntoh măt Quốc hội nkuăl ƀon têh hŏ djăt, nkoch mbơh, djăt nau đă bah cử tri mpeh ăp nau kan khlay bah neh dak ndrel nkuăl ƀon têh, kơt nau kan mât pring xăng, nau kan bah du đê̆ bôk nau ƀư tâm nkuăl ƀon têh Hồ Chí Minh ê geh ƀư jêng ji nuih tâm ƀon lan...

Kruanh dak rđau đă rđau kan nkuăl ƀon têh mbơh ân cử tri ta nar rƀŭn, nkre đă rklaih ơm ăp nau đă bah cử tri. Tâm nar mâp, Kruanh dak Nguyễn Xuân Phúc kŏ mbơh tât cử tri mpeh nau tă dơi bah rơh rƀŭn tal 6 Rnâng kan rđau kan Trung ương mhe geh. Mpeh nau tă dơi ƀư nau kan bah năm 2022, Kruanh dak mbơh, dak nơm hŏ ƀư geh nau dơi, ăp ntil nkô̆ nau, nau kan. Tĭng nê, lam dak geh 14/15 nkô̆ nau ƀư jêh nau nchrăp, âk nkô̆ nau jêh geh nau dơi prêh./.

VOV/Nŭih rblang: H’Thi