Nkhêp nkah ndray 78 năm Nar njêng Tahen ƀon lan Việt Nam (22/12), kêng măng 12/12, Kruanh dak Nguyễn Xuân Phúc, mâp măt Mpôl ntơh măt Ban liên lạc Tahen ơm Sư đoàn 341. Kruanh dak lah rjăp ăp nău rgop dŭt n'hâm têh kuâng bah mpôl tahen ƀon lan, ma n'gâng tơm lah Quân đội nhân dân Việt Nam dăng janh, tâm nê geh Sư đoàn 341.

Nău dơi n'gloh lam dăng janh bah Sư đoàn nkre đah rơh tâm lơh rklaih luh rnoi nuĭh, tâm lơh mât njrăng n'har bri Tây Nam bah neh dak, hăn kơl dak bah dih  ta dak băl Campuchia. Mât uĕh nău way ơm 50 năm bah đơn vị dăng janh, tâm let năp tay, Kruanh dak Nguyễn Xuân Phúc dăn đă Đảng ủy, Chỉ huy n'hanh lam Sư đoàn 341 tiăr nti tay nuih n'hâm uĕh lŏng, tiăr nti nău gĭt blău, njêng geh nău dơi ngăch prăl, rgum rdâk njêng Đảng bộ Sư đoàn kloh uĕh nâp dăng, rdâk njêng đơn vị nâp dăng lam lĕ rngôch, uănh khlay rdâk njêng ngăch prăl, đăng hăr. Sư đoàn ân geh trong rđău đă grêt dêh găl di, ƀư geh nău dơi ăp nău kan dơi jao.  

VOV/Nuĭh rblang: Điểu Thân