Ôi lơ 16/8, ta ntŭk kan Kruanh dak, Kruanh dak Võ Văn Thưởng mâp măt rmôt kan ntoh măt rđau kruanh chroh, rnoi mpôl đê̆, nhân sĩ, nŭih gĭt blau, ăp nŭih măt tâm nkuăl ƀon têh Hồ Chí Minh di rnôk rmôt kan hăn Hà Nội tâm bôk nau kan “Ntrong hăn tâm nthoi”. Tâm nar mâp măt, Kruanh dak Võ Văn Thưởng kơp dơn, rnê prêh tâm rơh rlau aơ, Nkual ƀon têh mô rlu nsôih, nthoi ăp rmôt kan kơl an êng êng rklaih nau khuch jêh bah srê Covid-19;

Ndâk nau kan tăch rgâl, rklaih ăp nau kan hôm nkol, kơl an nau rêh jêng, mât chăm nâp nâl ndrel n’hao nau rêh nuih n’hâm, drăp ndơ bah ƀon lan. Tâm nau hun hao bah nkuăl ƀon têh ndrel neh dak geh nau rgop kơl an khlay bah ăp nŭih rđau chroh rnoi mpôl, nhân sĩ, nŭih gĭt blau, ăp rmôt kan, êng nŭih ntoh lư bah nkual ƀon têh. Kruanh dak đă nkuăl ƀon têh ƀư ăp nau ntrŭnh bah Đảng, bah Quốc hội, tâm nê geh nau kan ân leo nkual ƀon têh hun hao./.