VOV4.M'nông: Ôi 12/9, ta Nhih pah kan kruanh dak, Kruanh dak Nguyễn Xuân Phúc hŏ n'glêh an ntăm n'hao grat bah Trung tướng hao Thượng tướng đah wa Phùng Sĩ Tấn, Groi Tổng Tham mưu trưởng Tahen ƀon lan Việt Nam. Kruanh dak nsing nơm n'hanh ŭch rŏng Thượng tướng Phùng Sĩ Tấn mât nâp n'hanh n'hao han săk chính trị nâp năng, du nuih n'hâm đah nău kan, trong sŏng di cách mạng bah Đảng; n'hao nău gĭt êng, tiăr nti săk blău, nuih n'hâm cách mạng bah nuĭh cán bộ, đảng viên, bah cán bộ gưl tướng, di săk ntơ "tahen wa Hồ”.

Kruanh dak dăn đă Thượng tướng Phùng Sĩ Tấn way rƀah  gĭt nô nău, ndrel đah nsum mpôl Kruanh Bộ Tổng Tham mưu rdâk njêng Bộ Tổng Tham mưu nâp dăng, tâm ban đah nău dơn kan tâm nô nău mhe, mât uĕh nău way ơm n'gloh ang “du nuih n'hâm tĭng, ngăch prăl, blău mĭn njêng mhe, lĕ nuih n'hâm ma nău kan, tâm rnglăp, tâm boh, rôih lơh, nsrôih dơi”.

Nuĭh rblang: Điểu Thân