VOV4.M'nông: Ôi 6/6, ta nkual ƀon têh Hạ Long, n'gor Quảng Ninh, Kruanh dak Nguyễn Xuân Phúc, Kruanh ƀan rđău đă rdâk njêng đề án ƀư tơm Tâm nchră rgop nău bah ăp tỉnh uỷ, thành uỷ mpeh Trung ương (nkual mpeh Bắc) đah trong nchrăp Đề án” Rdâk njêng têh jong n'hanh lôch jêh ăp tŏng Ngih dak pháp quyền Xã hội Chủ nghĩa Việt Nam tât năm 2030, rƀŏng tât năm 2045”.

Ta rơh tâm nchră, ăp tỉnh ủy, thành ủy  nkual mpeh Bắc tâm ban ŭch đah ăp rơh đăt ndal dơi nkoch tâm Đề án, tâm nê geh n'hao âk tâm pă gưl, tâm pă nău dơi kan, nkre dăn đă ƀư kloh lơn Đề án mpeh tâm boh đah Ngih dak n'hanh n'gâng kan ta ntŭk n'hanh trong nkra na nê̆ n'hao dăng tâm pă gưl, tâm pă nău dơi kan ăp kôp, n'hao khlay ƀư tơm êng, nău dơn êng. Lah ta rnôk n'glôch jêh tâm nchră, Kruanh dak Nguyễn Xuân Phúc rnê âk ăp tỉnh ủy, thành ủy nkual mpeh Bắc hŏ geh âk nău rgop n'hanh tâm ban ŭch âk đah trong nchrăp Đề án, nkre dăn đă ăp tỉnh ủy, thành ủy gŭ mĭn tay Đề án gay geh âk nău rgop đah trong nchrăp Đề án./.

Nuĭh rblang: Điểu Thân