VOV4.M’nông: Kêng măng 23/1, Kruanh dak Nguyễn Xuân Phúc hŏ tât khâl, pah kan đah rmôt kan ntoh măt Quốc hội Nkuăl ƀon têh Hồ Chí Minh. Ntoh nau ta aơ, Kruanh dak Nguyễn Xuân Phúc đă rmôt kan ntoh măt Quốc hội nkuăl ƀon têh ndruih lah ngăn ăp nau kan ma ƀư ji nuih tâm ƀon lan, tih pháp luật tâm nkuăl ƀon têh, ngăn lah ăp nau kan tih đah nau mĭn nau rêh kon nŭih, nau lơh khuch kon se kơt mhe nơh.

Kruanh dak kŏ đă rmôt kan ntoh măt Quốc hội nkuăl ƀon têh uănh, kơl an ăp nau kan văng sa rêh jêng, ƀư jêh ntrong kan pháp luạt, ngăn lah jêh ăp nau tih kơt tăch cổ phiếu mpôn, tăch neh mhe rlau. Kruanh dak kŏ đă Rmôt kan ntoh măt Quốc hội nkuăl ƀon têh Hồ Chí Minh mât ân nâp nau ntrŭnh, ntrong kan bah Đảng, pháp luật bah Ngih dak, ntoh n’hao nau kan bah năp Đảng, bah năp cử tri ndrel ƀon lan, mô rlu n’hao nau dơi chính trị, ntrŭt dăng nau ƀư jêh nau kan, pháp luật gay ma pháp luật mô dơi geh bu ndăn, mô dơi geh tih, leo nsĭt nau nâp nâl tâm nau kan ngăn./.

Nŭih rblang: H’Thi