VOV4.M’nông: Ôi lơ 29/3, Kruanh dak Nguyễn Xuân Phúc ndrel rmôt hăn kan hŏ hăn uănh du đê̆ nau kan tâm boh văng sa, tâm boh ƀư nau kan nsum tâm nau kan tuch tăm tâm nkuăl ƀon têh Sa Đéc ndrel nkuăl Tháp Mười, n’gor Đồng Tháp. Jêh geh djăt du đê̆ nau mbơh, Kruanh dak Nguyễn Xuân Phúc rnê prêh ăp nau kan văng sa tâm boh tâm nau kan tuch tăm, hun hao nau kan tuch tăm geh nsum ma nau pâl n’aih, geh n’ăp ma ndơ tăch luh, leo nsĭt nau săk geh văng sa âk. Khây ntŭk kan tuch tăm bah rmôt ƀư nau kan tâm boh nsum Mỹ Đông 2 tâm nkuăl Tháp Mười.

Kruanh dak Nguyễn Xuân Phúc rnê prêh ntŭk ƀư nau tâm boh kan nsum geh nau kan tâm boh săk tam, ngăn lah nau janh leo lăp dŏng nau kan khoa học pah kan prêh lăp tâm nau tuch tăm, têm prăk dŏng, mât ntŭk ntu ndrel ƀư ueh nau tuch tăm. Rmôt ƀư nau kan nsum hŏ ƀư ueh ăp nau kan tŏng dơi tăch luh. Kruanh dak ân lah, aơ lah du nau kan săk tam ma Nkuăl Đồng Tháp Mười ndrel n’gor Đồng Tháp ân geh pơk hvi tay./.

Nŭih rblang: H’Thi