VOV4.M'nông: Nkhêp nkah ndray 47 năm Nar rklaih luh lam lĕ rngôch miền Nam, dơn ngoăy neh dak, 68 năm nar lơh dơi lịch sử Điện Biên Phủ, kêng măng 27/4, Ủy viên Bộ Chính trị, Kruanh dak Nguyễn Xuân Phúc, Kruanh Hội đồng Quốc phòng n'hanh An ninh, Mât bôk kan mpôl tahen công an ƀon lan tât khâl, pah kan đah Cục An ninh nội địa.

Lah ta rơh rđău đă pah kan, Kruanh dak Nguyễn Xuân Phúc lah rjăp tâm rơh rdôl lơh lam lĕ rngôch n'hanh dâk lơh bah tahen n'hanh ƀon lan khay năm mhe 1975, mpôl kan mât rnă njrăng miền nam, tâm nê geh mpôl mât rnă njrăng tâm trôm neh dak nơm hŏ nsrôih râng ăp trong chruh rdôl lơh, ntŭk gŭ nde bah ngụy quân, ngụy quyền, lơh chrai ăp nău plơng lơh bah phŭng rlăng, ngăch pit in ăp ntŭk hŏ dơi tâm pă lơh, rgop lơh chrai mpôl mât bôk kan tâm lơh n'hanh mpôl mât bôk kan mbrôn mpet bah Mỹ ngụy, ndrel tahen n'hanh ƀon lan he rklaih luh lĕ rngôch miền nam, dơn ngoăy neh dak. Nkoch tât let năp tay, Kruanh dak dăn đă Cục An ninh nội địa mbơh gĭt jru hvi tay nău rđău kan, rđău đă lam lĕ rngôch bah Đảng tâm trong tĭng ƀư nău kan mât rnă njrăng neh dak./.

Nuĭh rblang: Điểu Thân