VOV4.M’nông – Kêng măng 23/3 ta Ntŭk Kruanh dak, Kruanh dak Nguyễn Xuân Phúc lĕ điện tâm nchră đah Tổng thống mhe Hàn Quốc Yuh Sớc Yên. Ndơn măt Ngih dak n’hanh nuĭh ƀon lan Việt Nam, Kruanh dak Nguyễn Xuân Phúc lĕ mbah rhơn way Yoon Suk-yeol dơi săch ƀư Tổng thống tal 20 bah Đại Hàn Dân Quốc; nkre njuăl nău ôp khâl bah Tổng Bí thư Nguyễn Phú Trọng n’hanh ăp kruanh Việt Nam tât Tổng thống mhe Yoon Suk-yeol.

Kruanh dak Nguyễn Xuân Phúc kuăl tâm nchră đah Tổng thống mhe Hàn Quốc

Tổng thống mhe dơi săch Yoo Suk-yeol mĭn lah uănh khlay tâm boh đah Việt Nam n’hanh ŭch 2 ding ntrôl tâm boh hun hao lơn tay tâm năm tât. Kruanh 2 dak tâm ban ŭch tâm năm tât mbra mât tay ăp nău ƀư tâm rgâl mpôl pah kan n’hanh tâm mâp gưl prêh, ăp gưl đah âk trong tâm di tâm nu nău mhe; kơl nău n’hao kan ndrel rnă njrăng, mât njrăng bri dak n’hanh công nghiệp mât njrăng bri dak; kan ndrel rjăp ăp nău ƀư nkah gĭt 30 năm ndâk njêng tâm boh tâm rnglăp Việt Nam-Hàn Quốc (1992-2022).

          Nuĭh rblang: Y Sưng Phê Ja