VOV4.M’nông: Lơ 11/5, ta Nkuăl ƀon têh Hồ Chí Minh, Kruanh dak Nguyễn Xuân Phúc ndrel rmôt kan ntoh măt Quốc hội nkuăl ƀon têh Hồ Chí Minh mâp ma cử tri tâm nkuăl ƀon têh bah ăp nkuăl Củ Chi, Hóc Môn, Nkuăl ƀon têh Thủ Đức tĭng nau ƀư n’ăp ma mâp sŏng ndrel mâp trực tuyến. Ntoh nau tâm nar rƀŭn, Kruanh dak Nguyễn Xuân Phúc rnê prêh cử tri nkuăl ƀon têh Hồ Chí Minh ntoh âk nau kan ueh đah nau hun hao bah nkuăl ƀon têh ndrel lam dak.

Tâm nar rƀŭn, Kruanh dak Nguyễn Xuân Phúc đă rđau kan ăp nkuăl ndrel nkuăl ƀon têh Hồ Chí Minh tât mbơh rklaih nau kan ma cử tri đă, nkre geh bôk nau pah kan ueh gay ma ơh nau cử tri ngăn, mpeh ăp nau hôm kol. Ăp cử tri rnê prêh ăp ntoh măt Quốc hội bah nkuăl ƀon têh Hồ Chí Minh hŏ geh âk nau kan ngăn, djăt nau rgop bah cử tri nkuăl ƀon têh gay nchrăp ăp nkô̆ nau bah năp rơh rƀŭn tal 3 bah Quốc hội gưl 15. Đah ăp nau kan têh bah neh dak, ăp cử tri ntoh nau uănh kơl tât nau geh bah rơh rƀŭn Trung ương 5 gưl 13, tâm nê geh nau kan neh ntu, ntrŭt dăng nau njrăng, rdâng sa khâm, mô geh nkuăl dơi ƀư./.

Nŭih rblang: H’Thi