VOV4.M’nông: Di nkah 92 năm nar ndâk Đảng ndrel nchrăp vơt tết năm mhe Nhâm Dần 2022, tĭng nau vay bah rnoi nơm, Kruanh dak Nguyễn Xuân Phúc hŏ tât mpoh kthup gay ma nkah ăp nŭih rđau kan Đảng ndrel Ngih dak lĕ khĭt. Kêng măng 25/1, Kruanh dak Nguyễn Xuân Phúc hŏ tât mpoh kthup nkah wa Nguyễn Đức Cảnh di rnôk nkah 114 năm nar deh bah đồng chí (1908-2022) tâm ngih nkah wa Nguyễn Đức Cảnh, nkuăl ƀon têh Hải Phòng.

Kŏ tâm rnôk aơ, Kruanh dak Nguyễn Xuân Phúc hŏ tât mpoh kthup Đại tướng Võ Nguyên Giáp-nŭih tahen cách mạng dăng janh, kon se nti gĭt blau ndrel tâm dăch ngăn bah Kruanh Hồ Chí Minh; Rđau kan têh ndrel lah Đại tướng bôk năp bah tahen ƀon lan Việt Nam. Kruanh dak Nguyễn Xuân Phúc hŏ tât mpoh kthup ân Đại tướng Trần Đại Quang, Kruanh dak, Kruanh Hội đồng neh dak ndrel rnă njrăng, Kruanh rnâng kan rđau nau kan rgâl mhe Tư pháp Trung ương năm 2016-2018./.

Nŭih rblang: H’Thi