VOV4.M’nông – Ôi 18/1, tâm bôk nău kan pah kan ta An Giang, Kruanh dak Nguyễn Xuân Phúc mpoh nhang nkah gĭt ta Di tích lịch sử nkual nkah ndrăy Kruanh dak Tôn Đức Thắng ta Mỹ Hòa Hưng, Nkual ƀon têh Long Xuyên. Kruanh dak Nguyễn Xuân Phúc n’hanh mpôl kan lĕ mpoh nhang, an nkao nkah gĭt Kruanh dak Tôn Đức Thắng, ngoăy tâm âk tahen bôk năp bah ntrong leo công nhân n’hanh ntrong leo cách mạng vô sản Việt Nam, nuĭh nsơr soan lĕ nău rêh nơm an nău kan cách mạng rnoi mpôl dân chủ nhân dân n’hanh cách mạng xã hội chủ nghĩa. Kruanh dak Tôn Đức Thắng (1888-1980) lah kruanh dak tal 2 n’hanh n’glêh dŭt bah Việt Nam Dân chủ Cộng hòa n’hanh aơ lah Kruanh dak bôk năp bah Cộng hòa Xã hội Chủ nghĩa Việt Nam. Kruanh Hồ Chí Minh lĕ rnê che “lah nuĭh ntrong leo nău rêh cách mạng, lôch nău rêh uĕh, gŭ uĕh, lôch nău rêh du nuih n’hâm, rhŏ an cách amngj, rhŏ an nuĭh ƀon lan”.

Nuĭh rblang: Y Sưng Phê Ja