VOV4.M’nông-Kêng măng nar 21/6, Kruanh dak Nguyễn Xuân Phúc ndrel đah mpôl đại biểu Quốc hội nkuăl ƀon têh Hồ Chí Minh geh tâm mâp ƀon lan lah Ủy viên Ủy ban MTTQ Việt Nam nkuăl ƀon têh, ăp nuĭh gĭt blău, nghệ sỹ, ăp phung chroh, nuĭh geh nău knơm, ntoh lư tâm ƀon lan ăp mpôl rnoi, mpôl văn nghệ sỹ ta nkuăl ƀon têh Hồ Chí Minh. Djăt nău tâm rgop dăn đă bâh ƀon lan, kruanh dak Nguyễn Xuân Phúc rnê ăp ƀon lan mbơh âk nău têh khlăy bâh nkuăl ƀon têh Hồ Chí Minh n’hanh neh dak, geh nđâp ăp phung chroh, ntĭm nti, wăng sa, văn hóa, ntŭk gŭ rêh, njrăng sa nkhiăn sa ƀer...Uănh rnê âk ăp nău tâm rgop nău nsrôih bâh ăp ƀon lan, kruanh dak Nguyễn Xuân Phúc lah na nê̆, nkô̆ mpŏng kan 2045 ndơ̆ ngih dak he bôk năp jêng dak hun hao geh nău geh âk lah nău ntul rlong têh, an geh nău nsum ti, tâm rnglăp tâm rgop bâh ăp ntŭk rêh jêng, bâh nhân sĩ, gĭt blău, văn nghệ sỹ, nuĭh phung chroh tâm ban kơt lĕ rngôch rnăk vâl ăp mpôl rnoi Việt Nam. Kruanh dak lah na nê̆, ăp rnôk neh dak mâp jêr jŏt, tâm rgop bâh nuĭh gĭt blău lơ ma geh nău khlăy na nê̆.

Nuĭh rblang: Thị Đoắt