VOV4.M'nông: Nthoi tay bôk nău kan rơh hop tâl 3, Quốc hội khóa 15, nar ntri (25/5), tâm nchră ta rmôt mpeh nô nău hun hao wăng sa- rêh jêng kon nuĭh n'hanh ngân sách ngih dak ăp khay bôk năm 2022, ăp nuĭh rnê âk ăp nău nsrôih bah Chính phủ gay dâk hao tay wăng sa tâm bah ri aơ nơh. Lơn âk nuĭh tâm ban ŭch đah nău mbơh bah Chính phủ hao mbơh rblang Quốc hội, nău dơi geh dja lah nău rgum lĕ bah ăp nău nsrôih lĕ n'hâm suan, mô êl rgel tâm bah ri aơ. GDP Quý I năm nchroh hao 5,03%, wăng sa têh đăp mpăn, ăp n'gâng kan, ăp trong kan plơ̆ hao tay. Yơn lah, ăp nuĭh rvê rnôk rnoh khlay pring hao khuch tât rnoh khlay ndơ tăch, hao khlay prăk nchuăn rdeng. Lah mô dơi mât kân hao khlay pring xăng ri mbra têk nkre hao khlay tât ăp ntil ndơ tăch êng ƀa ƀă. Ta rmôt tâm nchră, Kruanh dak Nguyễn Xuân Phúc lah rjăp bah cán bộ mât bôk kan mô lah đại biểu Quốc hội mô uănh lhơ, lŏng nuih n'hâm đah ăp nău dơi bôk  năp, yor let năp tay hôm âk jêr jŏt. Njrăng đă rnoh ntrŭt nsôr wăng sa, ntuh kơl ngih dak ân ntrôl dăng uĕh lơn, lăp tâm nău rêh gay ngăch kơl ƀon lan, doanh nghiệp kơt trong nchrăp bah Đảng, Ngih dak. Kruanh dak Nguyễn Xuân Phúc nkoch bôk nchih du bài báo lah an “Lơi an hao khlay ndơ klôr rdu nuĭh ach o"./.

Nuĭh rblang: Điểu Thân