VOV4.M’nông – Kruanh dak Nguyễn Xuân Phúc mhe njuăl sam ƀŭt rnê ăp nuĭh ƀon lan geh nău ƀư janh dăng, kơl rêh nuĭh rmok dak ta n’gor Nghệ An n’hanh Hà Tĩnh. Kruanh dak nkoch dŭt rngot rnôk dơi gĭt rnôk saơ nuĭh geh rmok dak, wa Nguyễn Hữu Hiền, Kruanh Rmôt tahen ơm xă Thanh Hòa, nkuăl Thanh Chương, n’gor Nghệ An n’hanh oh Nguyễn Văn Dương, kon hŏk jrô 8, Ngih sam ƀŭt cơ sở Minh Lạc, nkuăl Cẩm Xuyên, n’gor Hà Tĩnh, mô klach ntêt nkri, ngăch nsât tâm dak, rŭn soan dô̆t nuĭh rmok dak hao kơh, ƀư kơl săm đah mbung n’hanh lĕ kơl rêh âk nuĭh. Kruanh dak uănh lah prêh nău ƀư bah wa Hiền n’hanh mon Dương n’hanh nkoch kloh nău uĕh ang đah nuĭh n’hâm janh dăng, uĕh lăng way ơm, nău rŏng bah rnoi mpôl Việt Nam, tâm di dơi rnê, nkhôm n’hanh rêng lam hvi tâm ntŭk gŭ rêh.

Nuĭh rblang: Y Sưng Phê Ja