VOV4.M'nông: Nkhêp geh râng sa nkra Đền thờ liệt sĩ ta Ntŭk tâm lơh tâm su Điện Biên Phủ n'hanh pah kan ta n'gor Điện Biên tâm 2 nar 17 n'hanh 18/5, Kruanh dak Nguyễn Xuân Phúc hŏ mpoh nhang, an kao si nkah gĭt ăp tahen ơm khĭt ta Nghĩa trang liệt sĩ Quốc gia A1, hăn uănh Bảo tàng lơh dơi lịch sử Điện Biên Phủ; khâl, pă nklâm ndơ 160 nklâm ndơ an ăp tahen Điện Biên ta n'gor.

Kruanh dak Nguyễn Xuân Phúc n'hanh mpôl hăn mpoh nhang nkah gĭt ăp tahen ơm khĭt ta Nghĩa trang Liệt sĩ quốc gia A1. Lôch nê, Kruanh dak Nguyễn Xuân Phúc hăn uănh Bảo tàng lơh dơi lịch sử Điện Biên Phủ, ntŭk pla n'hơ, nkoch mbơh ăp si ƀŭt ơm khlay, ndơ hôm nha mât nkah ndray mpeh tâm lơh tâm su Điện Biên Phủ. Nchih si ƀŭt nkah ndray ta Bảo tàng, Kruanh dak Nguyễn Xuân Phúc mpơl nău yô̆ rngot rnôk khâl Bảo tàng, ntŭk mât ndray âk ndơ hôm geh, rup gui, nuih n'hâm dăng janh n'hanh nuih n'hâm han săk bah ăp tahen ơm khĭt, tahen Điện Biên tâm rơh tâm lơh Điện Biên Phủ 56 măng nar, gay ƀư jêng nău lơh dơi "n'gloh lư prăm châu, n'gâr lam ntŭr neh”.

Nuĭh rblang: Điểu Thân