VOV4.M’nông – Kêng măng 22/3, ta Ntŭk kruanh dak, Kruanh dak Nguyễn Xuân Phúc, Kruanh Ban ntĭm rđău ndâk njêng Bôk nău rgop tâm nchră “Trong ndâk njêng n’hanh lôch uĕh Ngih dak pháp quyền xã hội chủ nghĩa Việt Nam tât năm 2030, rƀŏng tât năm 2045” lĕ geh rơh mâp măt ăp nuĭh way kan, nuĭh khoa học, ăp nuĭh Rmôt Nchih ndâk njêng Bôk nău rgop tâm nchră khlay aơ. Nar mâp măt ƀư lôch uĕh bah 3 rgum nchră gưl ngih dak ta 3 nkual Bắc-Trung-Nam yor Ban ntĭm rđău ƀư, rgum rhiăng nău tâm nchră, nău rgop bah ăp nuĭh way kan, nuĭh gŭ mĭn njêng, nuĭh mât uănh, nuĭh khoa học pháp lý têh neh dak mpeh ăp nău geh tât ndâk njêng n’hanh lôch jêh Ngih dak pháp quyền xã hội chủ nghĩa Việt Nam. Ntoh ngơi ta rơh mâp măt, ndơn măt Ban ntĭm rđău, Kruanh dak Nguyễn Xuân Phúc uănh lah prêh săk rnglăy mĭn njêng ăp bôk nău, săk rnglăy pah kan tât aƀaơ, nkre mĭn lah nău nsrôih, ntrôl ngăch lơn tay nkre đăp mpăn uĕh nău kan ndâk njêng bôk nău rgop tâm nchră.

Nuĭh rblang: Y Sưng Phê Ja