VOV4.M’nông-Ta năp nău uh ah ta Ukraine, nău kan mât kơl an ƀon lan Việt Nam ta Ukraine dơn geh nău mât uănh dŭt n’hâm bâh nuĭh leo kan Đảng, ngih dak he. Kêng măng nar 6/3, ta ntŭk kan kruanh dak, kruanh dak Nguyễn Xuân Phúc lĕ geh djăt n’gâng kan nchră nău đah dak bah dih n’hanh ăp ntŭk kan têh mbơh tơih mpeh nău aơ. Tĭng nău mbơh bâh n’gâng kan nchră nău đah dak bah dih, aƀaơ, ta Ukraine geh 7 rbăn nuĭh Việt Nam. Âk ƀon lan gŭ dak bah dih lĕ hăn ntrơn luh nkual tâm lơh tât ntŭk geh đăp mpăn kơt tât ăp dak kiau meng kơt lah Ba Lan, Hungary, Liên hợp quốc n’hanh ăp dak ma ƀon lan Việt Nam ntrơn du tât gay ma mât đăp mpăn nău hăn nsong tâm ban kơt rnôk tât ntŭk ntrơn du geh ngăch kơl mpeh ntŭk gŭ âm, sông sa. Ta rơh pah kan, mô dơi geh an nuĭh ƀon lan Việt Nam khĭt, rmanh ta Ukraine. Kruanh dak rnê chính phủ geh nău nchrăp leo ƀư ăp rơh mpăr mô sŏk prăk ndơ̆ ăp nuĭh jêr jŏt n’hanh geh ŭch sĭt dak nơm, nkre lah đă tâm rnôk nĕ, an geh ƀư tĭng nău ntrŭnh, an lor bu ur, oh kon se, nuĭh ranh.

Nuĭh rblang: Thị Đoắt