VOV4.M'nông: Tâm rnôk hăn khâl gưl Ngih dak tât Singapore, kêng măng nar 25/02 ta Jay Quốc hội Singapore, Kruanh dak Nguyễn Xuân Phúc hŏ geh rơh ôp srĭng nău đah Kruanh Quốc hội Singapore Tan Chuan-Jin. Kruanh Quốc hội Tan Chuan-jin mbah rhơn hăn khâl bah Kruanh dak Nguyễn Xuân Phúc n'hanh mpơl nău rhơn ta năp nău dơi geh uĕh lăng bah ăp rơh ôp srĭng nău, rgum nchră đah Kruanh dak Nguyễn Xuân Phúc đah Tổng thống Singapore Ha-li-mal Ya-cop n'hanh Thủ tướng Singapore Lý Hiển Long, nkre mbah rhơn Việt Nam mpeh ăp nău dơi hun hao wăng sa rêh jêng kon nuĭh tâm bah ri aơ bol ma tât khuch nuh srê Covid-19. Kruanh dak Nguyễn Xuân Phúc lah rjăp Việt Nam way uănh khlay n'hanh ŭch rŏng ntrŭt ntrôl tâm boh têh jong đah Singapore, dăn đă bar tâm pă âk nău tă ơm gĭt kan pháp luật gay năn ngăch ntop kơl Chính phủ bar dak tâm nău njrăng n'gang nuh srê, rgâl soih aih ntŭk ntuh kơl tăch rgâl gay dâk hao tay wăng sa- rêh jêng kon nuĭh tâm nô nău "kơt ơm mhe"; an ƀư ăp nău kan tâm boh tâm di đah nău tâm boh têh jong đah bar dak./.

Nuĭh rblang: Điểu Thân