Ôi lơ 30/1, ta ntŭk kan Kruanh dak, Kruanh dak Nguyễn Xuân Phúc, Kruanh rmôt kan bah Hội chữ thập đỏ Việt Nam pah kan đah rđau kan tơm bah Hội gay ma ntrŭnh ƀư du đê̆ nau kan kơl an tâm rơh tết năm mhe 2023. Tâm nar pah kan, Kruanh dak Nguyễn Xuân Phúc đă Hội ƀư nâp ntrong pah kan ntơm Trung ương tât tâm dâng, ƀư ueh n’hâm dăng bah rmôt.

Đă ƀư ăp nau ntrŭnh, ntrong kan, ndơ dŏng, geh n’ăp ma nau kơl an tâm nau rêh gay ma leo lăp bah rmôt ân geh săk tam lơn, cán bộ đăp mpăn pah kan. Rnê prêh nau kan bah Hội Chữ thập đỏ geh nau ƀư nau kan Tết kơl an rơh tết năm mhe Quý Mão, Kruanh dak Nguyễn Xuân Phúc nkah ntơm rnôk aơ tat tết hôm hôm âk, rmôt ân geh nau kan, nau nchrăp n’hêl, nkre đăp mpăn geh nau kơl an bah ăp gưl cán bộ, ntŭk kan ndrel nkuăl, nkre rgum dơi nau tơm ƀư kan kơl an Tết ân nŭih ach o, nŭih geh nau rêh jêr jŏt./.