VOV4.M'nông: Ôi 3/6, Ta Nhih pah kan kruanh dak, Kruanh dak Nguyễn Xuân Phúc pah kan đah Hội Khoa học lịch sử Việt Nam. Ntơh măt kruanh rđău kan Đảng, Ngih dak, Kruanh dak Nguyễn Xuân Phúc mpư rnê, nchih nkah ăp nuĭh rnâng kan, ăp nuĭh khoa học, nuĭh gŭ mĭn lịch sử ngih dak- ăp nuĭh  hŏ n'hanh dôl an lĕ nău gĭt blău bôk rngok, an nău hun hao bah n'gâng kan khoa học lịch sử lah êng tâm ban kơt rơh rdâk njêng n'hanh mât njrăng neh dak lah nsum.

Lah ta rơh pah kan, tâm let năp tay, Kruanh dak ŭch rŏng Hội Khoa học lịch sử Việt Nam mô dơn gŭ mĭn n'hanh rgum tâm lịch sử Việt Nam ma hôm gŭ mĭn, joi gĭt jru lịch sử tâm nkual n'hanh lam ntŭr neh đŏng. Kruanh dak ŭch rŏng ăp nuĭh sử học Việt Nam way lah ăp nuĭh kan sử học tơm ngăn, saơ nău tâm di bah lịch sử ƀư jâng nsing, rƀah gĭt ăp rnoh khlay bah lịch sử n'hanh trong rƀŏng mhe, ŭch rŏng nău đăp mpăn, mât njrăng nău tâm di, lĕ nuih n'hâm rhŏ dŏng an neh dak, mô dơn lah nuĭh nchih sử ma hôm lah nchih nkah săk têl bah he tâm lịch sử rdâk njêng n'hanh mât njrăng neh dak Việt Nam rơh mhe Hồ Chí Minh.

Nuĭh rblang: Điểu Thân