VOV4.M'nông: Nthoi tay nar pah kan ta Quảng Ngãi, Kruanh dak Nguyễn Xuân Phúc hŏ geh rơh pah kan đah Ban Thường vụ Tỉnh ủy Quảng Ngãi. Lah ta rơh rđău đă rơh pah kan, Kruanh dak Nguyễn Xuân Phúc an lah, tâm nô nău jêr jŏt kơt năm mhe aơ yơn n'gâng kan n'hanh ƀon lan Quảng Ngãi hŏ tâm rnglăp, tâm ban ŭch tĭng ƀư ăp trong nkra di hun hao wăng sa- rêh jêng kon nuĭh; nkra âk ntil nău nchiăng khan, joi luh ăp trong ƀư, ntĭt leo hun hao trong luh geh nău tam.

Ăp nău dơi năm 2021 lah jâng ntơm gay hun hao khlay đah Quảng Ngãi let năp tay. Tâm let năp tay, Kruanh dak dăn đă Đảng bộ, n'gâng kan n'hanh ƀon lan Quảng Ngãi mât uĕh nuih n'hâm nău way ơm cách mạng, ndăn nău săk geh dơh uĕh ăp tŏng du Việt Nam rgum jê̆ gay ntrŭt ntrôl hun hao. N'gor ân ôp uănh tay ăp tŏng lam lĕ rngôch đah săk geh n'hanh uănh trong jong tât năm 2050, Nkual wăng sa Dung Quất Quảng Ngãi rgop dăp rgum wăng sa nâp dăng./.

Nuĭh rblang: Điểu Thân