VOV4.M'nông: Kêng măng 2/8, Kruanh dak Nguyễn Xuân Phúc pah kan đah kruanh n'gor Đồng Nai. Lôch kruanh ăp n'gâng kan rgop nău, dăn đă ta rơh pah kan, Kruanh dak Nguyễn Xuân Phúc lah rjăp nău khlay kan bah Đồng Nai n'hanh an lah rnôk jêng tât công nghiệp mhe, uĕh mhe neh dak he mbra jêng mbrơi lah mô geh nău ƀư leo tơm dăng bah Đồng Nai n'hanh du đêt n'gor tâm Nkual wăng sa rgum tơm mpeh bah dâng.

Kruanh dak dăn đă Đồng Nai ân joi ăp nău nsrôih, trong ntĭt leo hun hao mhe, yor lah nsing tay tâm suan ntrôl hun hao ơm, mbra mô tŏng dăng tay njêng hao đăt ndal n'hanh leo bôk tơm hun hao  nkual. N'gor ân ndơ̆ wăng sa êng bah dih tâm dak n'hanh wăng sa tâm boh di ntŭk, nta trong dơh tât đah tơm ndơ kơt Nghị quyết bah Đảng gay njêng suan ntrôl hun hao. Jêng nê, Đồng Nai ân rgâl mhe âk tâm nău mĭn n'hanh nău kan, ân jêng du suan dăng ring tam hun hao an ăp n'gor kiău ma kơt Bình Phước, Bình Thuận, Lâm Đồng rgâl bah hôm ma nsing tâm nkual ƀon têh Hồ Chí Minh./.

Nuĭh rblang: Điểu Thân