VOV4.M'nông: Ôi 15/6, Kruanh dak Nguyễn Xuân Phúc ƀư tơm rơh pah kan đah Thường vụ Tỉnh ủy Quảng Bình. Lôch rnôk djăt kruanh rđău kan n'gor mbơh n'hanh ăp cán bộ, n'gâng kan geh nău rgop rđău đă ta rơh pah kan, Kruanh dak Nguyễn Xuân Phúc rnê âk, tâm bah ri aơ, Đảng bộ, n'gâng kan n'hanh ƀon lan n'gor hŏ mât uĕh nău way ơm tâm rnglăp, tĭng ƀư jăp Nghị quyết Đại hội Đảng bộ n'gor tâl XVII, nsrôih n'hao n'gor hăn ma bôk nău kan na nê̆.

Quảng Bình geh tŏng ndơ gay ma pơk tach ndeh păr, ndrâm dak lêng, geh drăp ndơ ơm yău ntlơi an bri dak lam ntŭr neh, geh n'har bri, ân geh trong uănh jŏ jong tâm hun hao. Tâm hun hao wăng sa rêh jêng kon nuĭh nkrum lam, Kruanh dak Nguyễn Xuân Phúc an lah, n'gor ân rgum 4 n'gâng tơm lah pâl nđaih, tuch tăm mât rong ăp tŏng  geh nău lư, hun hao công nghiệp n'hanh hun hao nâp dăng wăng sa dak lêng. Tâm nê, ân êng uănh khlay tât nuĭh ƀon lan tâm n'gor geh nău kan wăng sa nsing âk tâm tuch tăm mât rong./.

Nuĭh rblang: Điểu Thân