Ôi 18/12, Kruanh dak Nguyễn Xuân Phúc râng n’hanh ƀư tĭng sa nkra Nkual nkah gĭt Hòn Tàu-Đèo Le, ta xă Quế Long, nkuăl Quế Sơn, n’gor Quảng Nam. Ntoh ngơi ta nar ƀư, Kruanh dak Nguyễn Xuân Phúc ryơk nkah gĭt n’hanh nkah gĭt dŭt hô tât Kruanh Hồ Chí Minh he, mpơl nuih n’hâm  nkah gĭt hô n’hanh nkah gĭt n’hâm soan têh kuăng bah nuĭh kruanh, cán bộ tehan, n’hanh nuĭh ƀon lan lĕ janh dăng yor nău kan rklaih đăp mpăn rnoi nuĭh.

Kruanh dak Nguyễn Xuân Phúc koh bok sa nkra nkual nkah gĭt Hòn Tàu-Đèo Le.

Kruanh dak Nguyễn Xuân Phúc nkoch kloh, nău nsa nkra nkual nkah gĭt Hòn Tàu-Đèo Le geh dŭt khlay rnôk aơ, tahen n’hanh nuĭh ƀon lan bah dak dôl rƀŏng tât nkah gĭt 78 năm Nar ndâk njêng Tahen nuĭh ƀon lan Việt Nam (22/12) n’hanh 33 năm Nar Lam ƀon lan mât njrăng neh dak 22/12. Tă bah nĕ, du tơ̆ tay mĭn lah nău njrăng n’gang neh dak bah rnoi nuĭh Việt Nam lah nău mât njrăng di, yor đăp mpăn, dah rŏng n’hanh uĕh lăng bah nuĭh ƀon lan.