VOV4.M'nông: Măng 19/8, Đảng bộ n'hanh ƀon lan nkuâl Quế Sơn, n'gor Quảng Nam khuh n'gôr ƀư Nkah ndray 50 năm lơh dơi Cấm Dơi. Râng lễ geh Kruanh dak Nguyễn Xuân Phúc, kruanh rđău kan n'gor Quảng Nam, quân khu 5, nkuâl Quế Sơn, ăp Me Việt Nam dăng janh, Mpôl tahen Công an ƀon lan, ăp kruanh mât bôk tahen, tahen ơm, ăp rnăk geh n'hâm suan đah cách mạng, âk mpưm ƀon lan nkuâl Quế Sơn.

Đah aƀaơ 50 năm, đah nuĭh n'hâm rdôl lơh han dăng bah tahen n'hanh ƀon lan miền Nam, ta nâm nău rđău kan bah Đảng, na nê̆ lah Khu uỷ khu 5 n'hanh Tỉnh uỷ Quảng Nam, mpôl tahen Khu 5 n'hanh mpôl tahen ta ntŭk hŏ ndrel cán bộ, tahen Sư đoàn 711, Tiểu đoàn bah Quân khu 5, lơh njêng geh nău dơi n'gloh ang - rdôl lơh nkhĭt ntŭk rgum gŭ nde Cấm Dơi, rklaih luh quận lỵ Quế Sơn, rgop hăn tât rklaih luh n'gor Quảng Nam. Mât uĕh nău way ơm rôih dăng, tâm rơh rdâng lơh mpôl rlăng lăp pit in, tŭn jot, ăp năm rlău aơ, Đảng bộ Quế Sơn hŏ rđău đă ƀon lan geh âk nău dơi khlay. Rnoh ngăch hun hao  wăng sa âk n'hanh đăp mpăn, dăp rgum wăng sa dơi rgâl hăn tĭng trong nsrôih uĕh./.

Nuĭh rblang: Điểu Thân