VOV4.M’nông – Nar 12/4, Kruanh dak Nguyễn Xuân Phúc râng Rƀŭn nchră ntrŭt ngăch ntuh kơl an 2 nkuăl Hóc Môn n’hanh Củ Chi, nkual ƀon têh Hồ Chí Minh. Aơ lah rƀŭn nchră ntrŭt ngăch ntuh kơl têh ngăn dak he đah tât râng bah 550 nuĭh ntoh măt, dŭt âk lah doanh nghiệp.

Âk nuĭh ntuh kơl dơi an sam ƀŭt kơp dơn ntuh kơl ta rƀŭn nchră dâl.

Ta rƀŭn nchră, 2 nkuăl Củ Chi n’hanh Hóc Môn lĕ nkoch ăp ndơ dơi hun hao, ăp nău dơh êng n’hanh kuăl jă ntuh kơl an 55 nău nchrăp ƀư đah dĭng lĕ rlău 285 rbăn rmen prăk an nău kan ntung trong, nkra nkual ƀon têh, công nghiệp, lŏ mir, tăch rgâl. Ntoh ngơi ta rƀŭn nchră, rnê ăp doanh nghiệp ton ntuh kơl an Củ Chi n’hanh Hóc Môn, Kruanh dak Nguyễn Xuân Phúc lah rjăp, aơ lah ăp ntŭk dơi hun hao, nkual njônh kâng đah Long An, Bình Dương, dơi boăt nthoi trong dak n’hanh rƀŏng luh dak me Sài Gòn. Kruanh dak Nguyễn Xuân Phúc đă ăp nuĭh ntuh kơl ngơi hăn ndrel đah ƀư, ngăch mbơh ƀư nău nchrăp kan n’hanh lah mô đah nău sa khâm. Ndrel đah nĕ ton mât uănh ntŭk ntô, lĕ nău kan đah kon nuĭh n’hanh nsum mpôl, rgop mât ndrăy n’hanh mât uĕh nău khlay văn hóa.

Nŭih blang: Y Sưng Phê Ja