VOV4.M’nông: Tâm rơh hăn khâl gưl kan Ngih dak tât Sing-ga-por lơ 25/2, Kruanh dak Nguyễn Xuân Phúc vơt rđau kan du đê̆ rmôt kan bôk năp bah Sing-ga-por tâm nau kan ŭnh nar, hun hao đô thị, neh ntu, ngih vâl nkuăl công nghiệp...Vơt rđau kan rmôt kan Kappel, Kruanh dak Nguyễn Xuân Phúc rnê prêh rmôt kan hŏ ntuh kơl săk tam tâm Việt Nam tâm lôch rơh rlau aơ, đă rmôt kan ntuh kơl tâm Việt Nam tâm ăp nau kan ŭnh nar njêng mhe, ŭnh nar kloh, ngih vâl ndrel đô thị blau mhe. Ăp nau kan ân geh nau rgum têh, rgâl mhe, geh nau rêng prêh tâm Việt Nam. Vơt rđau kan du đê̆ rmôt kan bôk năp Sing-ga-por, Kruanh dak lah rjăp: Việt Nam bonh đă nau kan tăch rgâl Sing-ga-por ntuh kơl tâm ăp nau kan ngih vâl, ŭnh nar, công nghiệp ê nkra, tuch tăm prêh mhe, công nghệ thông tin, đô thị mhe, nau kan tơm prăk, ngân hàng. Lah rjăp, ntrŭt dăng ntuh kơl lah nau kơl an lor bah Việt Nam rơh rlau aơ, Kruanh dak đă Liên đoàn rmôt kan Sing-ga-por lŏ lah ntung njŏ nthoi nau kan tăch rgâl Sing-ga-por ntuh kơl tâm Việt Nam, rgop nau leo nau tâm boh bar dak hao du nhoat mhe./.

Nŭih rblang: H’Thi