Ôi 6/12, jêh rnôk râng rƀŭn doanh nghiệp Việt Nam-Hàn Quốc ta Thủ đô Seoul đah rlău 500 ntoh măt tât bah ăp doanh nghiêp 2 dak, Kruanh dak Nguyễn Xuân Phúc lĕ ƀư tơm nar tâm nchră đah ăp Tập đoàn, doanh nghiệp têh Hàn Quốc tâm nău kan prăk kaih-ngân hàng.

Ta rgum nchră, Kruanh dak mĭn lah, Việt Nam uănh Hàn Quốc lah kan ndrel jŏ jong têh khlay; ŭch ndrel Hàn Quốc ƀư jru lơn tay tâm boh Kan ndrel lam hvi đah n’gâng tơm n’hanh n’hâm soan khlay lah kan ndrel mpeh wăng sa, tăch rgâl n’hanh ntuh kơl. Kruanh dak lah rjăp mpeh nău ntrŭnh mhe bah Việt Nam gay nta nơih lơn, săk rnglăy lơn đah tơm prăk FDI an Việt Nam. Tĭng nĕ, Việt Nam rgâl bah ƀư êng “wăch rgum” prăk FDI bah năp đaơ, an “kan ndrel” geh trong jŏ jong đah ăp nuĭh ntuih kơl dak bah dih tĭng nuih n’hâm tâm ban, ndrel hun hao, ndrel geh, ndrel lĕ đah nău kan đah kon nuĭh, nuĭh pah kan, mât njrăng ntŭk ntô gŭ rêh.