VOV4.Mnông- Di rơh 67 năm nar nai dak si Việt Nam, ôi nar 27/2, kruanh dak Nguyễn Xuân Phúc tâm mâp măt dêh rmên mpôl đại biểu cán bộ y tế ntoh lư lam dak. Ndơn kan an nuĭh leo kan Đảng, ngih dak, kruanh dak Nguyễn Xuân Phúc njoăl tât 150 đại biểu nai dak si ntoh lư geh nău dơi têh tâm nău kan mât n’hanh săm săk soan an ƀon lan, nkre lah njoăl nău ôp khâl n’hanh nău mbah rhơn ueh tât lĕ rngôch cán bộ, công chức, viên chức, nuĭh pah kan tâm n’gâng kan dak si.

Kruanh dak rnê âk n’gâng kan dak si tâm 67 năm ba năp lĕ geh âk nău dơi têh, lah ngoăy tâm đê̆ ăp dak geh rnoh kan mpeh dak si ƀư lôch ueh tât thôn ƀon, mât đăp mpăn pă tŏng ăp ăp nău kan dak si tât ăp nuĭh ƀon lan. Kruanh dak dŭt nkah đah mpôl nai dak si an geh tiăr nti nău blău nău ueh, gĭt nău kan gay ma tâm di đah nău mât săm ji an ƀon lan.

Nuĭh rblang: Thị Đoắt