VOV4.M’nông-  Kruanh dak Nguyễn Xuân Phúc mhe geh rơh tâm mâp măt nuĭh pah kan Dầu khí ntoh lư tâm nău kan tâm rlong kan blău lvang năm 2017-2022. Kruanh dak uănh năl, 70 cán bộ, nuĭh pah kan dầu khí ntoh lư tâm nău kan tâm rlong “Pah kan blău- nuĭh kan blău” lah nău geh tơm lor bâh trong kan ntuh kơl, ntĭm nti, hun hao mpôl cán bộ, nuĭh pah kan dầu khí gĭt blău an tâm di đah trong kan mhe.

Kruanh dak Nguyễn Xuân Phúc pă nkah ndrăy an đại biểu tât râng.

 Tĭng nău mbơh bâh rkuanh dak, ăp nău ŭch rŏng ntop kan n’hanh hun hao têh dăng bâh ăp rơh cán bộ, nuĭh kan lam n’gâng kan lah nău mpơl saơ ueh mhe bâh văn hóa dầu khí, lah nău kan dŭt khlăy ƀư jêng hun hao têh dăng bâh n’gâng kan. Kruanh dak lĕ dăn đă n’gâng kan dầu khí mô rlu rgâl mhe, ntop dŭt khlăy ta nău kan mât đăp mpăn rnă njrăng n’hanh leo kan mpeh ŭnh nar ta năp nău ŭch hun hao ta rơh mhe.

Nuĭh rblang: Thị Đoắt