VOV4.M'nông: Ôi 3/8, Kruanh dak Nguyễn Xuân Phúc, Kruanh Ƀan rđău đă rgâl dơh glêh Tư pháp Trung ương tât khâl n'hanh hăn ôp uănh pah kan an luh ndrung ơm năm 2022 ta Ndrung krŭng Xuân Lộc (Cục C10, Bộ Công An), nkuâl Xuân Lộc, n'gor Đồng Nai.

Ta rơh pah kan, Kruanh dak Nguyễn Xuân Phúc dăn đă tâm 1 khay tât, ăp ndrung krŭng, manh krŭng n'hanh ntŭk rđăp nti nuĭh tih lam dak ôp uănh tay ăp tŏng gay mô n'hơt lăn nuĭh tih geh tŏng nău dơi luh ơm rơh dja. Kruanh dak đă Hội đồng mbơh nti an luh ndrung ơm tĭng ƀư  jăp pháp luật mpeh an luh ndrung ơm, đah nău đă lah mô an geh du ntil nău tih mô lah nău kan mô kloh rvah, lah geh nău nkoch ân mĭn uănh na nê̆ mô an khuch tât nkô̆ khlay nău rŏng kon nuĭh n'hanh trong nchrăp têh dja bah Đảng, Ngih dak. Ăp n'gor ân nchrăp ndơ gay nuĭh dơi luh ndrung ơm plơ̆ rêh tay đah ƀon lan ngăn./.

Nuĭh rblang: Điểu Thân