VOV4.Mnông- Di rơh nchrăp vơt tết Nguyên đán Nhâm Dần, kruanh dak Nguyễn Xuân Phúc ndơn kan an ăp nuĭh leo kan Đảng, ngih dak lĕ tât khâl, pă ndơ n’hao mpư nuih n’hâm ăp nai dak si ta du đê̆ ngih dak si ta nkuăl ƀon têh Đà Nẵng lah ngih dak si Đà Nẵng n’hanh ngih dak si C Đà Nẵng lah ăp ăp ngih dak si ƀư ueh jăp nău kan uănh săm ji an nuĭh ƀon lan ta nkuăl ƀon têh Đà nẵng n’hanh âk n’gor bâh Nghệ An tât ăp n’gor ta Tây Nguyên, nkre lah ăp ngih dak si ƀư ueh nău kan thu dung, mât săm ăp nuĭh ntưp srê Covid-19. Rnê, nsơm kơp dơn ăp ngih dak si mpeh nău dơi lĕ geh, kruanh dak Nguyễn Xuân Phúc an gĭt ê hŏ tŏng 20 nar tay lah tât tết Nguyên đán, kruanh dak Nguyễn Xuân Phúc ŭch ăp nai dak si n’hao nău dơi geh, nsrôih hun hao rdâk njêng tay ngih dak si ta nkuăl ƀon têh Đà Nẵng jêng ntŭk tơm khlăy mpeh y khoa, nău way kan têh, tâm di đah nău ŭch mât săm ji an nuĭh ƀon lan, ntop mât săk soan, hơm răm bâh ƀon lan he. Kruanh dak njoăl nău ôp khâl, rgŏ jă nuĭh leo kan Đảng, ngih dak tât n’gâng kan dak si nkuăl ƀon têh Đà Nẵng, ngăn lah ăp ngih dak si mât săm, săm ji an ƀon lan, ngăn lah ăp ngih dak si geh tât nău kan njrăng, rdâng nuh srê Covid-19 mhe nơh.

                  Nuĭh rblang: Thị Đoắt