VOV4.Mnông- Kruanh dak Nguyễn Xuâ Phúc mhe geh tât râng bôk nău kan “Răm vơt năm mhe-năm 2022” ta nkuăl ƀon têh Thủ Đức, nkuăl ƀon têh Hồ Chí Minh. Kruanh dak Nguyễn Xuân Phúc ndrel đah mpôl pah kan lĕ pă an 900 nklâm ndơ rhơn vơt năm mhe an ăp rơh oh kon se kon đơi yor nuh srê Covid-19, mpôl nai dak si, cán bộ phường, nkual ƀon têh tât râng ntŭk bôk năp njrăng rdâng nuh srê n’hanh nuĭh pah kan ta nkual ƀon têh Thủ Đức.

Tổng liên đoàn Lao động Việt Nam n’hanh du đê̆ doanh nghiệp lĕ geh nklâm ndơ năm mhe njoăl tât ăp oh kon se n’hanh mpôl công nhân pah kan. Ntoh ngơi ta bôk nău kan, kruanh dak Nguyễn Xuân Phúc rnê âk nău nkuăl ƀon têh Hồ Chí Minh leo kan, mĭn kan, geh âk bôk nău kan mât kơl tết an nuĭh ach o, nuĭh geh nău rêh jêr jŏt ta ntŭk đah rnoh prăk kan têh. Nkre lah ŭch, lôch ta rơh rlu tết, mpôl nuĭh kan, nuĭh pah kan ta nkuăl ƀon têh Hồ Chí Minh dŭt nsrôih pah kan jan sa.

Nuĭh rblang: Thị Đoắt