VOV4.M’nông- Ôi nar 19/5, ta ntŭk kan n’gâng kan mât rnă njrăng ngih dak, Kruanh dak Nguyễn Xuân Phúc râng rơh pă giải nkhôm rnê ntơ Hồ Chí Minh mpeh khoa học, công nghệ ta trong kan tahen, mât rnă njrăng ngih dak. Ndơn kan an nuĭh leo kan Đảng, ngih dak, kruanh dak Nguyễn Xuân Phúc pă Bằng kơp dơn giải nkhôm rnê an ăp nuĭh kan khoa học nkre lah tác giả bâh ăp ntŭk kan khoa học geh rnê pă giải nkhôm.

Kruanh dak Nguyễn Xuân Phúc ntoh ngơi ta rơh pă ndơ nkhôm rnê.

 Kruanh dak Nguyễn Xuân Phúc lah na nê̆, bar nău kan tâm trong kan tahan, mât rnă njrăng ngih dak bâh 49 tác giả geh pă giải nkhôm rnê ntơ săk Hồ chí Minh rơh aơ geh nău khlăy dŭt têh, lah nău geh bâh nău nsrôih mĭn uănh, ntop nău mĭn kan n’hanh nău blău bâh ăp nuĭh kan khoa học tahen. Bar nău kan bâh trong kan tahen, mât rnă njrăng ngih dak bâh Tập đoàn công nghiệp-viễn thông tahen geh ƀư bâh ntŭk kan cán bộ khoa học bâh tập đoàn đah âk cán bộ mom, geh ntĭm nti na nê̆ ndrel đah nău leo kan bâh nuĭh leo kan, ntĭm đă na nê̆, săk rnglăy bâh Quân ủy Trung ương, n’gâng kan mât rnă njrăng ngih dak, nău kơl kan bâh ăp ntŭk kan, n’gâng kan tâm tahen.

Nuĭh rblang: Thị Đoắt