Nar 1/12, kruanh dak Nguyễn Xuân Phúc lĕ vơt Đại sứ Azerbaijan, wa Shovgi Kamal Oglu Mehdizade (Sôvôghi Mêđiđat) n’hanh Đại sứ Brunei, wa bu ur Datin Paduka Malai Hajah Halimah Malai Haji Yussoft ndơ̆ săm ƀŭt bâh ngih dak.

Kruanh dak Nguyễn Xuân Phúc lah na nê̆, Việt Nam way uănh khlăy nău tâm boh kan way ơm  n’hanh tâm kơl âk nău kan đah Azerbaijan. Đại sứ Azerbaijan an gĭt, mbra ƀư lĕ soan nơm gay ma tâm rgop ntrôl an nău tâm boh kan đah bar dak ăp nar lơ ma hun hao, n’hanh n’hao nău tâm  kơl mbơh tơih mpeh nău tâm boh ndrel tâm rnglăp ueh way ơm đah bar dak ngăn lah rơh mom. Lôch geh vơt Đại sứ Brunei, wa Datin Paduka Malai Hajah Halimah Malai Haji Yussoft, kruanh dak lĕ dăn đă tâm let năp tay, wa Đại sứ ` ntrôl nău tâm rgâl pah kan, tâm mâp gâl têh n’hanh ăp gâl kan, ntrôl tâm kơl bar dak ta trong kan ntĭm nti, pâl nđaih, tâm nđur ƀon lan, ngăch ndăn rdâk njêng bôk nău pah kan mbơh tơih nău tâm boh kan lĕ rngôch lvang năm 2023-2027.