VOV4.M’nông: Kŏ tâm kêng măng 8/6, tâm ntŭk kan Kruanh dak, Kruanh dak Nguyễn Xuân Phúc vơt Kruanh N’gâng kan neh dak Rajnath Singh dôl khâl ngăn Việt Nam. Tâm nar vơt, Kruanh dak Nguyễn Xuân Phúc rhơn ndơn saơ nau tâm boh neh dak bar ding lŏ geh nau hun hao ueh, tâm boh ngăn, săk tam, rgop nau khlay tâm nau tâm boh bar ding. Tâm ban nau mbơh đah Kruanh n’gâng kan Rajnath Singh mbơh, Kruanh dak Nguyễn Xuân Phúc lah rjăp.

Nau tâm boh neh dak geh ân lah du n’gâng tơm bah nau tâm boh bar ding Việt Nam-Ấn Độ. Tâm rnôk nau kan bah lam ntur neh, nkuăl geh nau jêr kơt rnôk aơ, Kruanh dak rnê prêh nau kan N’gâng kan bar dak lŏ n’hao nau tâm boh nâp nâl nau rnơm chính trị, ntrŭnh tŏng, săk tam, ngăn ăp nau ntrŭnh tâm boh tă ký, rnê bar N’gâng kan neh dak kí nau ton lah nsum nau rƀŏng nsum mpeh nau tâm boh Việt Nam-Ấn Độ tât năm 2030./.

Nŭih rblang: H’Thi