VOV4.M'nông: Kêng măng 9/3, ta Nhih pah kan kruanh dak, Kruanh dak Nguyễn Xuân Phúc hŏ wơt Đại sứ ăp dak: Sierra Leone, Nepal, Guatemala, Maldives, Dominicana hao ndơ̆ si ƀŭt neh dak. Wơt Đại sứ Cộng hòa Sierra Leone, Kruanh dak lah rjăp, Việt Nam way uănh khlay n'hanh ŭch rŏng ntrŭt ntrôl tâm boh đah Sierra Leone kalơ ăp trong kan: Chính trị, tâm boh tâm brê, tuch tăm mât rong, khoa học công nghệ, tăch rgâl. Ndrel đah nê lah n'hao dăng tâm boh đah bar dak đah ăp  nkô̆ nău âk ding, nkual n'hanh lam ntŭr neh; lơn lah nchrăp n'hanh đăp mpăn uĕh an ăp trong hăn tâm khâl gưl têh đah bar ding. Wơt Đại sứ Cộng hòa Dân chủ Liên bang Nepal, Kruanh dak Nguyễn Xuân Phúc lah rjăp, Việt Nam way uănh khlay tâm boh đah Nepal. Kruanh dak nsing nơm Đại sứ mbra ƀư tay lĕ n'hâm suan he nơm rgop tâm nău dơi đah  bar dak. Wơt Đại sứ Cộng hòa Guatemala, Kruanh dak lah rjăp, ăp n'gâng kan, ăp nhih pah kan bah Việt Nam mbra nta ăp trong dơh gay Đại sứ ƀư lôch jêh uĕh nău kan đah nău ŭch ntrŭt ntrôl ăp ntil tâm boh Việt Nam n'hanh Guatemala./.

Nuĭh rblang: Điểu Thân