VOV4.M'nông: Kêng măng 17/6, ta Nhih pah kan kruanh dak, Kruanh dak Nguyễn Xuân Phúc wơt wa bu ur Khemmani Pholsena, Ủy viên Trung ương Đảng, Bộ trưởng, Chủ nhiệm Văn phòng Kruanh dak Lào. Kruanh dak mbah rhơn n'hanh rnê âk ăp nău dơi khlay n'hanh lam lĕ rngôch ma ƀon lan Lào oh nô hŏ dơi geh tâm bah ri aơ.

Tĭng kruanh dak Nguyễn Xuân Phúc, bar Văn phòng Kruanh dak ân n'hao dăng tâm boh, tâm pă âk nkô̆, nău kan ngăn ngăn, na nê̆ gay n'hao săk blău kan rgum, nsŏng kơl an Kruanh dak, Groi Kruanh dak, rgop tĭng ƀư geh nău dơi gung trong, trong nchrăp, trong kan bah bar Đảng, bar Ngih dak. Bar Văn phòng Kruanh dak ân ntrôl dŏng âk công nghệ mbrô gay ƀư jăp pah kan nsŏng kơl n'hanh nkoch trêng nău kan bah Kruanh dak, Groi kruanh dak, ƀư jăp lơn đŏng pah kan wơt năch, rhŏ dŏng kruanh dak n'hanh  kruanh rđău kan gưl têh./.

Nuĭh rblang: Điểu Thân