VOV4.M'nông: Kêng măng 1/8, ta Nhih pah kan Kruanh dak, Kruanh dak Nguyễn Xuân Phúc hŏ wơt dơm Bộ trưởng Ngoại giao Cộng hòa Hy Lạp Nikolaos Dendias nkhêp hăn khâl ngăn Việt Nam. Kruanh dak Nguyễn Xuân Phúc rhơn rnê hăn khâl Việt Nam lor bôk năp bah wa Dendias kalơ nău kan Bộ trưởng Ngoại giao Hy Lạp; nkre, nsing nơm hăn khâl mbra rgop khlay tâm ntrŭt ntrôl tâm boh tâm rnglăp way ơm uĕh lăng đah Việt Nam n'hanh Hy Lạp.

Kruanh dak mpơl nău lah uĕh Hy Lạp hŏ kơl 50.000 Euro ma Hy Lạp an Ủy ban Olympic Quốc gia Việt Nam n'hanh 250.000 rbăn dĭng vaccine njrăng n'gang Covid-19 rnôk kêng dŭt năm 2021. Kruanh dak an gĭt Việt Nam way mât ăp rup gui uĕh lăng ndrel nău  kơl khlay bah Hy Lạp an Việt Nam tâm rlăch ndăng nsĭt tay nău đăp mpăn, dơn ngoăy neh dak, tâm ban kơt rơh rdâk njêng n'hanh hun hao neh dak aƀaơ./.  

Nuĭh rblang: Điểu Thân