VOV4.M'nông: Kêng măng 13/5, ta Nhih pah kan Kruanh dak, Kruanh dak Nguyễn Xuân Phúc wơt Bộ trưởng Quốc phòng Indonesia Prabowo Subianto. Kruanh dak rnê âk lôch jêh tâm nchră đah bar Bộ trưởng Quốc phòng n'hanh rhơn saơ tâm boh njrăng n'gang neh dak bar ding hun hao uĕh tay.

Bar dak geh ăp trong n'hao dăng rdâk njêng nâp jâng nsing nuih n'hâm chính trị; an ƀư ăp tŏng, geh nău tam, ngăn ngăn ăp si ƀŭt tâm boh hŏ ký ton, n'hao dăng tâm boh đah ăp quân, binh chủng, lơn lah way tâm ôp mbro, năn ngăch tâm boh nkra ăp nkô̆ nău ntoh luh ta dak lêng đah Mpôl tahen dak lêng n'hanh Cảnh sát dak lêng bar dak. Kruanh dak lah rjăp, Việt Nam uănh khlay tâm boh đah Indonesia, dak tâm boh khlay dâk bôk năp ta nkual n'hanh way ntrŭt ntrôl tâm boh đah Indonesia hun hao uĕh, đăp mpăn, nâp dăng n'hanh jŏ jong, lam lĕ rngôch ta ăp trong kan; wăng sa, rnă njrăng, njrăng n'gang neh dak, văn hoá, ntĭm nti, pâl nđaih n'hanh tâm nđŭr ƀon lan./.

Nuĭh rblang: Điểu Thân