Tâm rnôk hăn khâl ngăn gưl Ngih dak tât Đại Hàn Dân Quốc, ôi 5/12, ta Thủ đô Seoul, Kruanh dak Nguyễn Xuân Phúc hŏ rong an mông wơt ăp Tập đoàn dâk bôk năp bah Hàn Quốc dôl an ƀư âk trong nchrăp kan têh ta Việt Nam. Wơt kruanh nkre ƀư Tổng giám đốc mât bôk kan Tập đoàn CJ, wa Kyung Shik Sohn, Kruanh dak Nguyễn Xuân Phúc rnê âk Tập đoàn hŏ tĭng ƀư di nău ton ntuh kơl tâm Việt Nam ta trong kan nkret njêng ndơ sa, ndơ siăm mât rong, sinh học, logistic n'hanh văn hóa. Kruanh dak dăn đă CJ pơk hvi tay ntuh kơl tâm Việt Nam, ndơ̆ Việt Nam jêng ntŭk ƀư njêng n'hanh tăch rgâl lam ntŭr neh.

Wơt Kruanh Tập đoàn Daewoo E&C Hàn Quốc Jung Won-ju, Kruanh dak Nguyễn Xuân Phúc dăn đă Daewoo E&C ntuh kơl ƀư nhih dak si têh ta Việt Nam. Ndrel đah nê lah ntuh kơl tâm ăp trong kan ntŭk ntô ndơ dŏng, pring xăng, nkual ƀon têh ăp tŏng nău lư, rhŏ dŏng rêng ntop ntuh kơl bah Hàn Quốc tâm Việt Nam.

VOV/Nuĭh rblang: Điểu Thân