VOV4.M'nông: Ôi 23/2, ta Nhih pah kan kruanh dak, Kruanh dak Nguyễn Xuân Phúc wơt Mpôl đă hăn kan mha êng bah Tổng thống Hoa Kỳ mpeh rgâl duh nđik trôk nar John Kerry. Rnê âk wa John Kerry mpeh nău nsrôih ntrŭt ntrôl tâm boh bar dak tâm bah ri aơ nơh, tâm nê geh rdâng lơh đah rgâl duh nđik trôk nar, kruanh dak dăn đă Nuĭh đă hăn kan mha êng John Kerry ntrŭt ntrôl Chính phủ Hoa Kỳ ntop kơl tay Việt Nam tâm trong kan khlay dja. Kruanh dak rhơn rnê nău dơi geh khlay bah ăp rơh hăn khâl Việt Nam bah kruanh rđău kan Hoa Kỳ, ntoh lư lah hăn khâl bah Groi Tổng thống Kamala Harris, ntrŭt ntrôl Tâm boh lam lĕ rngôch đah bar dak. Lah uĕh Kruanh dak hŏ ntêm an mông wơt, wa John Kerry an lah, kalơ trong hun hao uĕh lăng, tâm Boh lam lĕ rngôch Việt Nam - Hoa Kỳ nar lơn ma lăp jru, ngăn ngăn n'hanh geh nău tam. Tâm ôp mpeh nău ngăn geh dak lêng nar lơn ma mâm hao n'hanh khuch dŭt têh tât nkual Đồng bằng sông Cửu Long n'hanh ăp nkual bri rđŭng bah Việt Nam, wa John Kerry an gĭt, Hoa Kỳ mbra ntop kơl Việt Nam tâm nkô̆ nău rgâl duh nđik trôk nar, rgâl ŭnh nar jêng ŭnh nar kloh uĕh, lơn lah ŭnh măt nar. Rlău ma nê, Hoa Kỳ mbra ntop kơl Việt Nam tĭng ƀư rgâl mbrô đŏng, rhŏ dŏng hun hao wăng sa rêh jêng kon nuĭh./.

Nuĭh rblang: Điểu Thân