Kêng măng 25/11, ta nhih pah kan kruanh dak, Kruanh dak Nguyễn Xuân Phúc wơt mpôl ntơh măt ăp nuĭh khoa học wăng sa ASEAN râng Tâm nchră  Liên đoàn ăp mpôl wăng sa ASEAN (FAEA) tâl 45 ta Hà Nội. Lah uĕh kruanh dak hŏ rong an mông nar wơt, ăp nuĭh khoa học wăng sa ASEAN mbah rhơn Việt Nam ƀư geh nău dơi Tâm nchră FAEA-45 năm aơ, lah rnôk gay ăp nuĭh kan wăng sa tâm ôp, tâm rgâl n'hanh tâm kơt nti nău tă ơm gĭt, tâm ban kơt tâm nchră mpeh ăp trong dơh soih n'hanh ntul rlong bah jâng wăng sa nkual bah kơi nuh srê Covid-19 n'hanh trong nkra ntul rlong jêng ăp trong dơh soih.

Ăp mpôl ntơh măt mpơl nău nkah uĕh đah rnoh ngăch hun hao bah Việt Nam n'hanh kơt nti âk nău tă ơm gĭt kan khlay tâm trong dâk hao, hun hao tay wăng sa đŏng. Lah ta rơh wơt, Kruanh dak nkoch ăp ntul rlong tâm jâng wăng sa lam ntŭr neh đŏng, dăn đă ăp nuĭh khoa học wăng sa ASEAN bun dăp n'hanh ntrŭt ntrôl du đêt rnoh tât kan, trong nkra têh. Đăp mpăn lam trong tăch rgâl lam ntŭr neh geh nău tâm ban n'hanh nsĭt nău geh lah du trong kan n'gâng tơm khlay bah ntŭk tăch rgâl lam ntŭr neh, bôk năp lah tâm trôm ASEAN.

VOV/Nuĭh rblang: Điểu Thân